- അക്കാമ്മ ചെറിയാൻ ഒരു ഇന്ത്യൻ സ്വാതന്ത്ര്യ സമര പ്രവർത്തകയായിരുന്നു.
- തിരുവിതാംകൂറിലെ ഝാൻസി റാണി എന്നാണ് അവർ അറിയപ്പെട്ടിരുന്നത്.
- കേരളത്തിലെ സ്ത്രീ മുന്നേറ്റ ചരിത്രത്തിലേയും രാഷ്ട്രീയചരിത്രത്തിലേയും ഉജ്ജ്വല വ്യക്തിത്വമായിരുന്ന അക്കാമ്മ നിരവധി തവണ ജയിലിലടയ്ക്കപ്പെട്ടിട്ടുണ്ട്.
അക്കാമ്മയുടെ ജീവിതത്തിലുടെ ഒരു യാത്ര
- 1909 ഫെബ്രുവരി 14-ന് കോട്ടയം കാഞ്ഞിരപ്പള്ളിയിൽ കരിപ്പാപ്പറമ്പിൽ തൊമ്മൻ ചെറിയാന്റേയും അന്നമ്മയുടെയും രണ്ടാമത്തെ മകളായി ജനിച്ചു.
- കാഞ്ഞിരപ്പള്ളി ഗവണ്മെന്റ് ഗേൾസ് ഹൈസ്കൂൾ, ചങ്ങനാശ്ശേരി സെന്റ്.ജോസഫ് ഹൈസ്കൂൾ എന്നിവിടങ്ങളിൽ പ്രാഥമിക വിദ്യാഭ്യാസം നേടി.
- തുടർന്ന് എറണാകുളം സെന്റ് തെരേസാസ് കോളേജിൽ നിന്ന് ചരിത്രത്തിൽ ബിരുദം എടുത്തു
- 1931-ൽ വിദ്യാഭ്യാസം പൂർത്തിയാക്കിയ ശേഷം എടക്കര സെന്റ് മേരീസ് ഇംഗ്ലീഷ് മീഡിയം സ്കൂളിൽ അധ്യാപികയായി ജോലി ചെയ്തു.
- 1938 ഫെബ്രുവരിയിൽ തിരുവിതാംകൂർ സ്റ്റേറ്റ് കോൺഗ്രസ് രൂപീകൃതമാവുകയും സ്വാതന്ത്ര്യ സമരത്തിൽ പങ്കെടുക്കാൻ അക്കാമ്മ തന്റെ അധ്യാപന ജീവിതം ഉപേക്ഷിക്കുകയും ചെയ്തു.
- 1938 ഒക്ടോബറിൽ സംസ്ഥാന കോൺഗ്രസ് പ്രവർത്തക സമിതി ദേശസേവിക സംഘം (സ്ത്രീ സന്നദ്ധ സംഘം) സംഘടിപ്പിക്കാൻ അക്കാമ്മ ചെറിയാനെ ചുമതലപ്പെടുത്തി
- സംസ്ഥാന കോൺഗ്രസ് നിരോധനം പിൻവലിക്കണമെന്നാവശ്യപ്പെട്ട് അക്കാമ്മ ചെറിയാന്‍റെ നേതൃത്വത്തിൽ തമ്പാനൂരിൽ നിന്ന് ചിത്തിര തിരുനാൾ ബാലരാമ വർമ്മയുടെ കവടിയാർ കൊട്ടാരത്തിലേക്ക് ബഹുജന റാലി നടത്തി.
- 1939-ൽ നിരോധന ഉത്തരവുകൾ ലംഘിച്ചതിന് അക്കാമ്മയെ അറസ്റ്റ് ചെയ്യുകയും ശിക്ഷിക്കുകയും ചെയ്തു.
- 1942 ഓഗസ്റ്റ് 8-ന് ഇന്ത്യൻ നാഷണൽ കോൺഗ്രസിന്റെ ചരിത്രപ്രസിദ്ധമായ ബോംബെ സമ്മേളനത്തിൽ പാസാക്കിയ ക്വിറ്റ് ഇന്ത്യ പ്രമേയത്തെ അക്കാമ്മ സ്വാഗതം ചെയ്തു.
- 1946-ൽ, നിരോധന ഉത്തരവുകൾ ലംഘിച്ചതിന് അക്കാമ്മയെ അറസ്റ്റ് ചെയ്യുകയും ആറ് മാസം തടവിലിടുകയും ചെയ്തു.
- സ്വാതന്ത്ര്യാനന്തരം 1947-ൽ അക്കാമ്മ തിരുവിതാംകൂർ നിയമസഭയിലേക്ക് കാഞ്ഞിരപ്പള്ളിയിൽ നിന്ന് എതിരില്ലാതെ തിരഞ്ഞെടുക്കപ്പെട്ടു.
- 1950-കളുടെ തുടക്കത്തിൽ, ലോക്‌സഭാ ടിക്കറ്റ് നിഷേധിച്ചതിനെത്തുടർന്ന് അവർ കോൺഗ്രസ് പാർട്ടിയിൽ നിന്ന് രാജിവച്ചു
- 1952-ൽ മൂവാറ്റുപുഴ നിയോജക മണ്ഡലത്തിൽ നിന്ന് സ്വതന്ത്രയായി പാർലമെന്റ് തിരഞ്ഞെടുപ്പിൽ മത്സരിച്ച് പരാജയപ്പെട്ടു.
- 1967-ൽ കോൺഗ്രസ് സ്ഥാനാർത്ഥിയായി കാഞ്ഞിരപ്പള്ളിയിൽ നിന്ന് നിയമസഭാ തെരഞ്ഞെടുപ്പിൽ മത്സരിച്ചെങ്കിലും കമ്മ്യൂണിസ്റ്റ് പാർട്ടിയുടെ സ്ഥാനാർത്ഥിയോട് പരാജയപ്പെട്ടു.
- അവർ സ്വാതന്ത്ര്യസമരസേനാനികളുടെ പെൻഷൻ ഉപദേശക സമിതി അംഗമായി സേവനമനുഷ്ഠിച്ചു.
- 1982 മേയ് 5-ന് അക്കാമ്മ ചെറിയാൻ അന്തരിച്ചു.
- അവരുടെ സ്മരണയ്ക്കായി തിരുവനന്തപുരം വെള്ളയമ്പലത്ത് ഒരു പ്രതിമ സ്ഥാപിച്ചു.
- ശ്രീബാല കെ മേനോൻ അവരുടെ ജീവിതത്തെ ആസ്പദമാക്കി ഒരു ഡോക്യുമെന്ററി സിനിമ നിർമ്മിച്ചിട്ടുണ്ട്.
പ്രൊഫൈൽ
പേര് : അക്കാമ്മ ചെറിയാൻ
ജനനത്തീയതി : ഫെബ്രുവരി 14 1909
ജനന സ്ഥലം : കാഞ്ഞിരപ്പള്ളി , കേരളം
മാതാപിതാക്കൾ : തൊമ്മൻ ചെറിയാൻ, അന്നമ്മ
വിദ്യാഭ്യാസം : കാഞ്ഞിരപ്പള്ളി ഗവൺമെന്റ് ഗേൾസ്, ഹൈസ്കൂൾ,ചങ്ങനാശ്ശേരി സെന്റ്.ജോസഫ് ഹൈസ്കൂൾ,എറണാകുളം സെന്റ്. തെരേസാസ്
അറിയപ്പെടുന്നത് : സ്വാതന്ത്ര്യ സമരപ്പോരാളി
മരണം : മേയ് 5,1982
ഉദ്ധരണി
“ഞാൻ നേതാവാണ്; മറ്റുള്ളവരെ കൊല്ലുന്നതിന് മുമ്പ് ആദ്യം എന്നെ വെടിവയ്ക്കുക” .